Davao City- Nagmalampuson ang kapulisan sa dakbayan sa Davao sa pagpatuman sa hugot nga seguridad sa bag-ohay ra nga natapos nga tulo ka adlaw nga Bar Exam 2023 nga gipahigayon sa Ateneo de Davao University-Senior High School sa Bangkal ning syudad.
Sa interbyu sa DXDC RMN Davao kang Police Major Rosario Aguilar, Talomo Police Station Commander, walay untoward incidents ug generally peaceful ang bar exam sa mga baristas kun mga aspiring lawyers gikan sa sulod ug gawas sa Region 11.
Segun ni Aguilar, dul-an 400 ka mga pulis ang gi-deploy sa premises sa maong venue sa bar exam nga nagsugod niadtong Setyembre 17 20 ug katapusang adlaw kagahapon Setyembre 24.
Wala usab reports ug complaints nga nadawat ang Talomo Police subay sa maong aktibidad
Sumala ni Aguilar kapin 900 bar takers ang ilahang gibantayan.
Matud usab niiini nituman ug naobserba sa protocols ang mga supporters sa mga bar takers ug natala nga violators.
RadyoMaN Aimee Guinita
Facebook Comments
