Davao City – Nagtoo ang barangay kapitan sa Barangay 76-A Bucana ning syudad nga nakakat-on na og mga pagtulun-an ang mga tawo human makasinati og daghang mga bagyo sa nasud.
Sumala ni Barangay 76-A Bucana Brgy. Kap. Rolando Trajera, matag panghitabo dunay mga pagtulun-an nga makuha aron himoon sa higayong duna na puy moabot nga mga katalagman sama na lamang sa bagyo.
Sugyot usab sa kapitan sa Bucana Barangay 76-A sa katawhan nga dili magmagahi gilayong mosunod kung unsay imando sa taga-disaster aron makalingkawas sa kamatayon tungod sa bagyo.
Samtang gipaneguro usab ni Kapitan Trajera nga sa ilang barangay nagpadayon ang ilang training, seminars sa mga responder ug pag-edukar sa mga tawo kung unsay himoon sa higayong moabot ang usa ka katalagman sama sa bagyo ug uban. Matud ni Kapitan Trajera sa iyang barangay pronte sila sa dagkong balud ug baha.
Gisulti pa ni Trajera, dinhi sa davao dili na kaayo maglisud pinaagi sa Central 911 tungod kay duna na kitay mga kahimanan nga magamit sa higayong dunay matigayong pagbaha o linog nga masinatian.
RadyoMaN Bernard Pantallon
