Davao City – Aduna nay mga Barangay sa dakbayan sa Davao ang nakatuman na sa barangay isolation facility.
Matud ni Davao City Mayor Sara Duterte, gikatakdang magpagula og memorandum ang lokal nga panggamhanan sa Davao sa pagmando sa mga barangay nga modawat sa mga i-rekomendang i-isolate nila nga mga residente.
Giklaro niini, ang mabutang sa maong barangay COVID-19 facility mga wala nagpositibo sa COVID-19 apan gikinahanglang ma isolate.
“Isolation lang ni siya. This is not a center like how we run our center– nagahatag og tambal, nagacheck-up kada adlaw. Kumbaga, kung dili ka pwede i-isolate sa imohang balay tungod kay gamay kaayo inyong balay, mobalhin ka sa isa ka lugar nga pwede ka mag-isolate as a PUM,”
Kahinumduman, naghatag og deadline ang mayor sa mga kapitan adlawng Biyernes (May 1) sa pagsumite sa ilang mga ma-identipikang barangay isolation facility.
RadyoMaN Aimee Guinita
