Kalibo, Aklan — Madayon eon rong Barangay ag Sangguniang Kabataan Election sa Mayo 14, 2018.
Raya rong ginkompermar ni Mr. Crispin Raymund Gerardo, Public Information Officer it Comelec-Aklan sa pakikipag-angot kana it programang Straight-to-the-Point it RMN DYKR Kalibo.
Suno kana nga nakompermar daya matapos nga magpaguwa it calendar of activities ko Enero 15, 2018 rong Comelec Central Office.
Kaeakip sa calendar of activities ro mga masunod:
Abril 14 hasta 20 – Filing of Certificates of Candidacy
Abril 14 hasta 21 – Elecion Period ag dikara eon masueod ro mga ginabawae nga mga akta kapareho ko gun ban.
Mayo 4 hasta 12 – Campaign Period
Mayo 14 ro Election Day ag
Hunyo 13 rong last day ko pag file it Statements of Election Contributions and Expenditures
Angot mat- a sa official ballot nga paga gamiton sa election hay hueaton eon lang naton suno kay Gerardo do official announcement halin sa Comelec.
Dugang pa gid nana nga sa mga naga file it COC nga kon pwede mag file it mas temprano indi paghueaton nga kung siin do last day para malikawan ro inconvenience sa opisina ag kon may mga aeayuson hay may tyempo pa nga maayos.
Nagpadumdom pa gid imaw sa mga pumueoyo nga sa oras it election dapat maging patas eang bangud nga rong election umaeagi eamang ag dapat nga rong pagsinaeayo sa kabaranggayan hay magapabilin.
