Giplano ni Mayor Oscar Moreno nga buksan ang dalan nga mosumpay sa Brgy Balubal ning syudad sa Cagayan de Oro ngadto na sa Damilag sa Bukidnon.
Kini aron mas mapasayon ug mapaduol sa katawhan ang serbisyo sa kagamhanang lokal.
Gibutyag ni Mayor Moreno ang maong plano atol sa iyang pagbisita bag-ohay lang sa Barangay Balubal aron pagtunol sa bag-ong nahuman nga Child Development Center sa CDORSHP 4.
Tungod nini, dako ang pasalamat ni Balubal Baranagay Kapitan Pablo Bactong sa mga proyekto nga gibubo sa administrasyon ni Mayor Moreno lakip na ang pagsemento sa mga dalan ug pagbutang og mga Led lights sa kadalanan.
Lakip usab sa proyekto sa Moreno administration ang panubig sa Barangay Balubal diin laumang makabaton na gayud ang mga residente og tubig sa ilang tugkaran sa dili madugay.
