Davao City-Doble effort ang gihimo karon sa Davao City Anti-Drug Abuse Council sa pag-awhag sa mga drug reformists nga mupailawm sa rehabilitasyon ug mga programa sa lokal nga panggamhanan sama sa ‘tabangan atong reformist aron naay asensyo o tara na’ programa.
Segun ni Ronaldo Rivera, program director sa CADAC nga anaa pa lamang sa dul-an dos mil sa kapin dyes mil nga populasyon sa drug reformists ang naka-enrol sa community-based rehabilitation and after-care program sa syudad.
Matud ni Rivera nga girekomenda nila ngadto sa PNP nga kutob lamang karong bulana ang deadline sa maong programa aron dili mabutang og balik ang mga nisurender sa listahan sa mga targets.
“If they are not enrolled in the community amo silang ibalik sa ‘street value target’ because they are not asking for treatment” matud ni Rivera.
Samtang giingon ni Conception Domag, research director sa CADAC nga kutob sa nisulod sa programa sa CADAC adunay mga interventions nga madawat gikan sa mga nagkadaiyang ahensya.
RadyoMan Aimee Guinita
