Davao City – Gidasig ni Davao City Mayor Inday Sara Duterte-Carpio ang mga mudaganay isip kandidato sa Barangay ug SK nga magbaton og malinawon ug matinud-anon nga eleksyon karong May 14.
Pahinumdom sa mayor kanila nga ipatigbabaw ang papel isip isip maayong lungsuranon sa syudad ug likayan ang away batok sa laing kandidato.
Dugang sa mayor nga likayan uysab ang pagpanikas sa muabotay nga adlaw sa piniliay.
“Walay dignity sa imong pagdaug kung gikan sa tikas ang imong pagdaog. Dapat pag muadaog ka duna kay pride nga you did it on your own, ikaw gyod ang tinuod nga gipili sa mga tawo nga mahimo nilang barangay captain ‘by a vote of majority’sa imohang mga residents gikan sa imong barangay” segun sa mayor.
Hinuon gisiguro sa mayor nga ipatuman sa syudad ang gun ban alang sa election period, election day ug sa adlaw sa inihapay sa mga botos.
RadyoMaN Abi Bibera
