Davao City- Usa ang Barangay Buhangin sa 83 ka mga Barangay sa syudad nga non-compliant sa Drug-Cleared Barangay sa entero syudad sa Davao.
Segun ni Barangay Buhangin Kapitan Francisco Gamad, wala sila nagpasagad ug gani naningkamot ang Barangay alang sa kampanya kontra droga sa ilang lugar.
Hinoon giangkon ni Gamad, aduna sila’y gimonitor nga usa ka gatos ka indibidwal nga gilangkuban sa mga pushers ug users, diin mao kini ang rason nganong wala maapil sa cleared sa droga ang Barangay Buhangin.
Sumala ni Kapitan Gamad, usa sa ilang gipatuman nga programa mao ang rehabilitasyon ug ang tanan nga migamit sa droga mupailawom sa programa, sanglit kung mapakyas sa pagpa-ubos sa drug test ug rehabilitasyon, ang Barangay mismo maoy magtugyan kanila sa korte aron kasohan.
RadyoMaN Joel Viray
Facebook Comments
