Pilar, Capiz – Magapatunga ang barangay council sang Poblacion, Pilar sa pangpanguna ni Kapitan Norberto “Boyet” Bonilla Jr angut sa problema nanday Mr Famador Barrio kag sa principal sang Pilar Elementary School nga si Dr Quinto Taguc Jr.
Ini makaligad nga nagpadulong sa barangay hall si Dr. Taguc agud nga magfile sang blotter angut sa nangin malisyoso nga klase sang text message ni Barrio nga nagasiling “see you” kag pamahog nga himuon man sini sa iya ang sadto anay ginhimo man sa nagligad nga school principal nga si Maam Lorna.
Gilayon, nagpa-obra si Kapitan Bonilla sang isa ka summon letter para sa ginareklamo nga residente sini.
Mahibaluan nga nag-ugat ang nasambitan nga problema sa gin-himo nga pagbaylo sang principal sa umagad ni Barrio nga isa man ka manunudlo bilang chairman sa ila eskwelahan.
Samtang una na nga ginpanindogan sang principal nga tama lang ang iya ginhimo bangud nga ang ginbulos niya nga si Maam Anne Jane Bargo ang mas qualified sa posisyon bangud ini ang nagatrabaho nga wala naga-isip sang iya oras.
Sang ginpadulongan sang news team ang poluy-an ni Barrio agud kuntani kuhaan sang pahayag, namalibad anay ini nga maghatag sang reaksyon.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
