Barangay Ginebra-Meralco Bolts match ngayong araw, kinansela ng PBA

Kinansela ng Philippine Basketball Association (PBA) ang nakatakdang laban ngayong araw ng Barangay Ginebra at Meralco Bolts.

Ito na ang ikalawang laro na kinansela ng liga dahil sa health at safety protocols.

Kahapon ay hindi rin natuloy ang laban sa pagitan ng San Miguel Beermen at Alaska Aces dahil sa kaparehong dahilan.

Samantala, tuloy naman ang Terrafirma Dyip-Blackwater Bossing match mamayang alas-2:00 ng hapon.

Habang pinaaga sa alas-4:35 ang laban sa pagitan ng Magnolia Hotshots Pambansang Manok at ng TNT Tropang Giga na orihinal na naka-schedule ng alas-7:00 ng gabi.