CAUAYAN CITY – NAGSAGAWA NG MULING PAGBISITA AT PAGPUPULONG SA CAUAYAN CITY, ISABELA ANG CAGAYAN VALLEY CENTER FOR HEALTH DEVELOPMENT (CVCHD).
PINANGUNAHAN ITO NG LOCAL HEALTH SUPPORT DIVISION (LHSD) KASAMA ANG MGA BARANGAY HEALTH WORKER (BHW) FEDERATION PRESIDENTS AT COORDINATORS UPANG MULING BALIKAN AT PAG-ARALAN ANG PAGPAPATUPAD NG BHW CONNECT SYSTEM SA LALAWIGAN.
BINIGYANG-DIIN NI DR. GUIA COMILLAS, HEAD NG LHSD, ANG MAHALAGANG PAPEL NG MGA BARANGAY HEALTH WORKER BILANG UNANG TAKBUHAN NG MGA MAMAMAYAN PAGDATING SA KALUSUGAN.
PINURI NIYA RIN ANG MGA ITO SA KANILANG PATULOY NA SUPORTA SA MGA PROGRAMANG PANGKALUSUGAN NG PAMAHALAAN, PARTIKULAR NA ANG PUROKALUSUGAN.
SAMANTALA, LAYUNIN NG AKTIBIDAD NA SURIIN ANG PROGRESO NG BHW CONNECT, TUKUYIN ANG MGA HAMON SA PAGPAPATUPAD, AT MAGBIGAY NG TEKNIKAL NA SUPORTA UPANG MAPABILIS ANG PROFILING AT ENCODING NG MGA IMPORMASYON NG MGA BARANGAY HEALTH WORKERS (BHW).
