ILOILO – Arestado si barangay kagawad George Vasquez, 44 anyos sang Brgy. Sinuagan, Badiangan, Iloilo sa ginkasa nga buy bust operation sang Philippine Drug Enforcement Agency (PDEA-6) miyerkules sang hapon, Enero 3.
Nabaklan si Vasquez sang isa ka sachet sang suspected shabu kag narecover pa gid sa iya posisyon ang dugang nga duha ka sachet sang suspected shabu, cellphone kag mga armas luthang nga ginalakipan sang 1 ka unit sang 12 gauge shot gun, 9 mm pistol kag 357 pistol.
Suno kay PDEA-6 Director Wardley Getalla, nangin madinalag-on ang ila operasyon matapos nadakpan si Vasquez nga isa ka high value target level 1 kag anay tokhang surrenderee.
Samtang, arestado man ang helper ni Vasquez nga ginkilala kay Ruperto Estribor.
Nakahunong na ang mga suspek kag magapangatubang sang kaso sa paglapas sang section 5 kag section 11 sang R.A. 9165.
