Davao City – Nasikop sa Philippine Drug Enforcement Agency Regional Office XI ug kapulisan sa Island Garden City of Samal ang usa ka Barangay Kagawad sa buy bust operation sa Purok 4, Barangay Camudmud, Babak District, Island Garden City of Samal, Davao del Norte.
Giila sa PDEA XI ang suspek nga si Allan Ajos Cuberos, 51 anyos ug Barangay Kagawad sa maong lugar.
Napalitan si Cuberos sa PDEA agent nga nagsilbing poseur buyer og duha ka mga pakete sa shabu nga nagkantidad sa P6, 000.
Kasong paglapas sa Section 5 (Sale of Dangerous Drugs), Section 11 (Possession of Dangerous Drugs) ug Section 12 (Possession of Drug Paraphernalia) sa Article II sa Republic Act 9165 kun The Comprehensive Dangerous Drugs Act of 2002 ang atubangon sa suspek.
Kung mapamatud-ang guilty ang maong Barangay Official, ipahamtang kaniya ang maximum penalty ug absolute perpetual disqualification sa public office ilawom sa Article II, Section 28 (Criminal Liability of Government Officials and Employees) of Republic Act 9165.
RadyoMaN Aimee Guinita
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
