Dakpan ang usa ka barangay kagawad sa gihimong drug buy bust operation sa Regional Police Drug Enforcement Unit 10 ubos sa supervision ni Police Liutenant Colonel Gerardo Ulanday, ingon man sa presento 2 ubos sa pagpanguna ni Police Captain Taha Tambog Jr. ingon man sa PDEA 10 alas 9 kapin kun kulang ang takna sa gabie niadtong Lunes sa may Purok 6 Barangay Tomas Cabili ning dakbayan sa Iligan.
Malampusong nasikop si Jamale Cali y Panadigan alyas Jam-Jam Cali, 37 anyos minyo ug kasamtangang kagawad sa Barangay Upper Hinaplanon ning syudad sa Iligan.
Si Cali nailang High Value Target ug anaa sa listahan ni Presidente Duterte.
Nakuha sa iyang possession ang usa ka medium sized nga sachet nga gituohang shabu, ingon man 500 pesos nga buy bust money.
Sa gihimo nga body search sa mga otoridad, nakuha usab gikan sa suspek ang usa pa ka medium size nga sachet sa shabu, duha ka gagmayng sachet sa shabu, usa ka cellphone, ug ang buy buy bust money.
Ang mga nakumpiskang mga ebidensya, gibana-banang motimbang ug 3.0 gramos, ug adunay estimated market value nga 24 thousand pesos.
Ang suspek anaa karon sa Police Station 2 ug mag atubang sa kasong paglapas sa RA 9165.
photo credits to the owner
