TACLOBAN CITY – Nadakop han mga kapulisan an usa nga barangay kagawad nga nagbabaligya hin illegal nga droga ha Brgy. San Pedro, Quinapondan, Eastern Samar.
Basi ha report han Police Regional Office 8, ginkilala an Brgy. Kagawad nga suspek nga hi Ronilo Macawile Seberre, 43 anyos, may asawa ngan residente ha Brgy. Naga ha nasabi nga bungto.
Durante ha gindumara nga buy-bust operation han Quinapondan Municipal Police Station ngan Eastern Samar Drug Enforcement Unit, napalit tikang ha suspek an usa kapakete nga sachet han gin-aaligar shabu pero nakuha pa tikang ha possession han suspek an duha pa kapakete han gin-aaligar shabu.
Papasakahan an Brgy. Kagawad nga suspek ha ilarom han RA. 9165 o comprehensive Dangerous Drugs Act.
Paslak na an suspek ha Quinapondan Police Station.
