Maayon, Capiz – Patay ang isa ka barangay kagawad matapos nga nadisgrasya sa ginasakyan nga motorsiklo sa Brgy Balighot Maayon Capiz alas 9:30 sang gab-i.
Ginkilala ang biktima kay Rafael Dacibar, 53- anyos kag barangay kagawad sang Brgy Balighot Maayon, Capiz.
Ini ang gindeklarar nga ginbawian sang kabuhi sang gindangat sa Bailan District Hospital matapos nga nag-angkon sang kapilasan sa lawas.
Suno sa inisyal nga imbestigasyon sang mga kapulisan, posible nga wala makontrol sang biktima ang manibela sang ginadala nga motorsiklo sa diin nabunggo ini sa kilid sang dalan antes nalagbong sa tulay.
Facebook Comments
