Barangay Kapitan, gipusil patay sa Misamis Oriental

20
Web photo

Patay ang usa ka Barangay kapitan human gipusil kaganihang mga alas singko sa buntag sa Barangay Danao, Jasaan, Misamis Oriental.

 

Kini ang gikumpirma ni Police Chief Insp. Rogelio Labor, Hepe sa Jasaan Municipal Police Station sa interview sa dxCC-RMN Cagayan de Oro.

 

Matud ni Labor nga ang biktima mao ang 53 anyos nga si Kapitan Alfredo Zapanta.

 

Gidugang ni Chief Insp. Labor nga si Kapitan Zapanta nakaangkon sa samad pinusilan sa paa ug ulo.

 

Nakuha usab sa kapulisan sa crime scene ang duha ka basyo sa kalibre 45 armas.

 

Sa karon, gisuta pa sa kapulisan ang motibo ug suspek sa krimen.

Facebook Comments