Pagaingnon pa nga kung duna pa la`y ” mata ug baba” ang ponoan sa kamunggay siguradong duna gyud kini ikasulti bahin sa hitabo….
Usa ka 35 anyos nga labandera nidangop sa DYHP aron isumbong ang Barangay Kapitan sa Maghanoy Barili nga nagbinastos niya . Ang babaye nga gitago sa pangan nga “Inday” niasoy nga samtang siya nanglaba niadtong Sabado si Kapitan Billy Catamora , 54 anyos ug minyo nipakita sa iyang “kinatawo” ug nihagad pa kaniya nga makig-sex bugti sa bayad nga P2,000.
Sa wa pa ni nahitabo, giingong gisitsitan ni Kapitan si Inday ug giingnan siya ug “I love you” ug dayon nagbinastos na.
Apan si Catamora hugtanong nanghimakak niini ug nibali sa pagpasangil ni Inday nga matud pa maoy “namuso” ngadto niya .
Katarungan sa kapitan kada buntag gyud siya nga mangihi sa punoan sa kamunggay nga anaa sa tugkaran sa ilang bay , apan adtong higayona nakuratan na lang siya nga nagtan-aw kaniya si Inday .
Apan bisan sa pagpanghimakak ni Catamora ug pagpamali ug pasangil niya nakahukom gyud si Inday nga mokiha batok sa kapitan ngadto sa Ombudsman.
