BARANGAY KAPITAN NAKUHAAN SANG ARMAS LUTHANG | isa ka .45 pistol kag 2 ka magazine ang nakuha sang mga otoridad sa Punong Barangay sa isa ka checkpoint

Arestado ang Punong Barangay sang Brgy. Victoria, Tubungan, Iloilo matapos nga makuhaan sang armas luthang kagab-I sa Brgy. Male, Tubungan, Iloilo pasado alas 10 kagab-i.

Ginkilala ang arestado nga si Punong Barangay Ricardo Lonquino, 34 anyos sang nasambit nga barangay.

Suno sa kay Police Chief Insp. Enrie Madrinan sang Tubungan Municipal Police Station narekober nila sa posisyon ni Lonquino ang isa ka .45 pistol kag 2 ka magazine sa check point kadungan sang pagpatigayon sang Barangay kag SK Election kahapon nga adlaw.