Barangay Kapitan sa Gigaquit gipusil!

Padajon kuman na tag imbestigahan sa mga otoridad an pagpusil kay Barangay Mahanub Captain,Julieto Go nan Gigaquit SDN. An amu na insidente nahitabo mismo sa gawas sa ija panimayay sa P3 ,Mahanub ,Gigaquit,SDN kahapon sa may alas 10 sa buntag,Hunyo 28,2019.Sumaya pa sa imbestigasyon samtang ini nagtindog gawas sa ila panimayay kalit na mitunga an duha ka suspetsado sakay sa motorsingle sanan isa nan ini an mipusil sa biktima na naigo sa bahin sa ija uyo sanan lawas.Dali isab dajon na nadaya sa tambayan o ospital an biktima sanan padajon na tag obserbaran kuman sa mga doctor. Gihimuan na isab nan mga otoridad an makuti na imbestigasyon para mahibaw- an an identidad sa mga suspetsado sanan kon unoy motibo sa pagpusil sa kapitan.

Facebook Comments