Barangay kapitan sa Kiblawan ug laing usa pa ka suspek arestado sa CIDG XI Oplan Paglalansag

Davao City- Arestado atol sa gilusad nga OPLAN “Paglalansag Omega” kun kampanya kontra loose firearms sa Criminal Investigation and Detection Group XI ang Barangay Kapitan sa Purok 3, Mansanitas, Brgy. Bonifacio, Kiblawan, Davao del Sur nga si Edwin Pactor Loon Sr.

Gibutyag sa CIDG XI nga nadakpan ang suspek pinasikad sa search warrant nga gipagula ni Hon. Judge Carfelita B. Cadiente-Flores, Executive Judge sa Branch 61, Digos City, Davao del Sur sa kasong paglapas sa R.A. 10591.

Nasakmit sa mga operatiba sa posisyon sa suspek ang usa ka Beretta caliber 9mm pistol; 3 ka mga magazines; 27 caliber 9mm ammos; ug black sling bag.

Samtang, sikop usab ang 67 anyos nga mag-uuma nga giilang si Arias Zambo Alfredo sa implementasyon sa search warrant sa paglapas gihapon sa RA 10591 nga gipakanaog ni Hon. Carfelita B. Cadiente-Flores, Presiding Judge sa RTC, Branch 61, Digos City, Davao del Sur nga giisyu niadtong Enero 17, 2023.

Positibong nakuha sa suspek ang (1) M1 Garand Rifle; (1) M16 A1 Rifle; 3 ka long magazine sa M16 Rifle ug daghan pang klase sa bala ug magazines.

Ang mga suspek priso na karon sa Kiblawan Municipal Police Station ug magatubang og kasong paglapas sa RA 10591 (the Comprehensive Firearms and Ammunition Regulation Act).

Gipanganti ni PLTCOL Jovit Culaway, Acting Regional Chief sa CIDG XI sa pagpakgang sa mga loose firearms nga maoy ginapahimuslan sa mga kriminal.

RadyoMaN Aimee Guinita