Pagadian City – Nagpalaban sa buhatan sa kapulisan ning syudad sa Pagadian ang Barangay secretary ug Barangay kapitan nga ulahing biktima sa pagpanglabni og bag alas 11:20 kagabii didtong dapita sa National High Way doul sa Gamalinda Funeral Homes sakop sa Barangay Tuburan ning dakbayan.
Giila ang mga biktima nga sila si Kapitan Nancy Tim-Tim ang punong Barangay sa Lenienza ug ang iyang secretary nga si Lualhati Belen.
Sumala sa mga biktima samtang sakay sila sa motorsiklo kalit nga nibutho sa ilang kilid ang laing single motor XRM sakay ang duha ka mga suspetsado og walay langan nga nilabni sa bag ni Kapitana Tim-Tim.
Malampuson nga nadala sa tulisan ang bag nga gisudlan sa 6 mil pesos nga kwarta, cellphone ug uban pang mga importante nga gamit.
Naglusad na og follow-up operation ang kapulisan alang sa posible nga pag-ila og pagsikop sa mga naka-ikyas nga suspek.
