Davao City- Gipaniguro ni Lasang barangay Kapitan Alan Simo-ag nga andam na sila sa bisan unsa nga dad-on nga mga ekipo panahon sa kalamidad.
Sumala ni Kapitan Simo-ag nga long term ang ilang gihimo nga pagpangandam aron lamang mahitsas ang ilang kahibalo ug pagbaton og mga ekipo nga magamit sa pagresponde sa kalamidad.
Kabahin sa halapad nga preparasyon mao ang infrastructure project sama sa flood control project kun dike nga makatabang sa pagsanta sa pag-awas sa Lasang River panahon sa pag-uwan.
Dugang pa ni Simo-ag nga sukad natukod ang flood control project upat na ka tuig wala na makasinati og grabe nga pagbaha ang ilang barangay.
Bisan paman niini, wala mag-undang ang ilang barangay sa pagprepara alang sa kalamidad hilabi na daghan sa kinabuhi mabutang sa kakuyaw bunga sa pagbaha, dugang sa kapitan.
Gidasig karon ni Barangay Lasang Kapitan Alan Simo-ag ang lokal ug nasudnon nga kagamhanan nga mas palig-unon pa ang ilang preparasyon samtang aduna pa’y panahon ug dili na huwaton nga daghang kinabuhi makalas panahon sa kalamidad.
Kasamang Joel Viray
