Barangay Lawaan, Regional Champion sa Search for Outstanding Barangay Tanod 2017

Roxas City, Capiz – Ginkilala sang Department of Interior and Local Government bilang Regional Champion sa ginpatigayon nga Search for Most Outstanding Barangay Tanod 2017 (group category) sa bug-os nga rehiyon 6 ang mga tanod sang Barangay Lawaan, Roxas City.
Ginpahayag ni Punong Barangay Elvis Asis nga, natalana nga magabaton sang award ang iya mga tanod sa maabot nga Oktubre 10, 2017; sa patigayunon nga awarding ceremony sa syudad sang Iloilo.
Suno diri nga nangin balasehan sang ila kadalag an amo ang maayo nga performance sang iya mga Barangay Tanod sa patag sang firefighting, medics, volunteerism kag ang maayo nga record sang mga ini kalakip na ang ila maayo man nga grooming.
Ginpasalamatan man ni Asis ang mga pomuluyo kag mga personalidad nga nagbulig kag nagsuporta agud makuha ang prestihiyoso nga award. Nagalaum man ini nga mapadayon sang iya mga tanod ang maayo nga performance agud magaserbi man nga inspirasyon sa iban nga kabarangayan sa syudad sang Roxas. Mangin pambato naman sang Western Visayas ang Barangay Lawaan para sa nasambit nga competition sa national level.

Facebook Comments