Barangay Maa preparado vs sunog

Davao City – Hitsas ug kanunay andam ang Barangay Maa batok sa mga katalagman sama pananglit sa sunog nga sagad mahitabo ning mga panahona.

Sa interbyu kang Barangay Captain Jun Cañete sa programang ‘Straight to the Point’ kauban si RadyoMaN June Duterte, gisaysay niini nga aduna silay kaugalingong fire truck gipalit kini pinaagi sa ilang lokal nga pondo, ambulansya, ingon man multicab sarang ma-utilisar panahon sa evacuation sa mga residente.

Gani, kumpleto usab ang ilang mga personahe sa igong kahibalo kug kahanas diha sa pagresponde panahon sa mga kalamidad – sa tubig man kini o kayutaan, segun ni Cañete.


Gibatbat usab sa kapitan nga 24/7 nga naka-standby ang ilang Community Assistance & Rescue for Emergency Services o mas naila sa bansagon nga Barangay Maa – CARES.

“Actually, daghan na kaayo ta’g na respondehan nga mga sunog sa Davao kay tawagan man ‘ta para mo-ayuda,” segun ni Cañete.

Ang Maa Elementary School ug ang SPED Center maoy na-designate nga evacuation center uban usab ang Maa National High School gawas pa sa mga Day Care Centers nga taas ang elevation ingon man usab ang ila mismong Barangay Hall.

Dugang usab sa kapitan nga kanunay usab silang nagapahimangno sa ilang mga ginsakupan ilabi na karon nga ginasaulog nato ang Fire Prevention Month.

RadyoMaN Jason Amisola

Facebook Comments