CAUAYAN CITY – UPANG MAPALAKAS ANG SEGURIDAD AT KAAYUSAN SA KANILANG NASASAKUPAN, NAKATAKDANG MAGDAGDAG NG BARANGAY TANOD ANG PAMUNUAN NG BARANGAY MALIGAYA, CAUAYAN CITY, ISABELA.
SA KASALUKUYAN, MAY LABING-APAT NA TANOD LAMANG ANG NAKA-ASSIGN SA PITONG PUROK NG BARANGAY, O TIG-DADALAWA KADA PUROK, NA ITINUTURING NA HINDI SAPAT UPANG MAS EPEKTIBONG MAGPATROLYA AT AGAD NA MAKATUGON SA MGA INSIDENTE NG KAPAYAPAAN AT KALIGTASAN.
ALINSUNOD SA ITINAKDA NG REPUBLIC ACT 7160 O LOCAL GOVERNMENT CODE SECTION 389, TUNGKULIN NG PUNONG BARANGAY NA TIYAKIN ANG KATAHIMIKAN AT KAAYUSAN SA KOMUNIDAD SA PAMAMAGITAN NG PAMUMUNO SA MGA BARANGAY TANOD.
DAGDAG PA RITO, NAKAPALOOB SA REPUBLIC ACT 6975 O DILG ACT OF 1990 ANG PAGPAPALAKAS NG PAPEL NG MGA TANOD BILANG FORCE MULTIPLIERS NA KATUWANG NG PULISYA SA PAGPAPANATILI NG KAPAYAPAAN AT PAG-IWAS SA KRIMEN.
INAASAHAN NA ANG KARAGDAGANG TANOD AY MAKATUTULONG HINDI LAMANG SA PAGPAPATROLYA SA GABI KUNDI MAGING SA MABILIS NA PAGSAKLOLO AT PAGBIBIGAY NG MAS MALAWAK NA PRESENSYA SA BAWAT PUROK UPANG MAIWASAN ANG GULO AT ANUMANG ILIGAL NA AKTIBIDAD.
KASABAY NITO, NANANAWAGAN ANG PAMUNUAN NG BARANGAY SA KANILANG MGA RESIDENTE NA MAKIISA SA KANILANG KAMPANYA PARA SA MAS LIGTAS AT MAS PAYAPANG PAMAYANAN.
