Siyam ka panimalay ang naanod sa purok star apple sa Maranding Lala Lanao del norte gumikan sa nasinating pagbaha tungod sa walay hunong nga pag-ulan kagahapong adlawa.
Samtang aduna nay 130 ka pamilya ug 588 ka indibidwal ang mihiklin o mibakwit sa ilang mga panimalay gumikan sa kakusog sa bul-og sa tubig baha.
Basi sa impormasyon gikan sa ilang Municipal Disaster Risk Reduction and Management Office apektado usab ang purok sambulawan, mahogany ug Nilo.
Temporaryo nga nagpasilong karon ang mga apektadong pamilya sa Maranding Gym Lala Evacuation Center ug sa NCMC Gym.
Gihatagan dayon sila ug ayuda sa mga sakop sa Municipal Social Welfare and Development o MSWD ingon man sa ilang LGU.
Gawas sa marading apektado usab sa grabe nga pagbaha ang kapatagan lanao del norte.
Adunay dul-an libo ka pamilya ang mibakwit sa ilang tagsa-tagsa ka mga panimalay gumikan sa pagbaha ug landslide.
Sa ulahing impormasyon sa ilang municipal disaster risk reduction and management office siyam ka barangay sa maong munisipyo ang apektado sa pagbaha ug landslide.
Wala pa hinoon silay impormasyon kun aduna bay mga balay ang naanod sama sa nahitabo sa maranding.
Sa pagkakaron anaa nagpasilong sa kapatagan gymnasium silang mga pamilya nga apektado sa nasangpit nga kalamidad.
