Barangay nga naga-uyat sa PUMs may lapses suno kay Bacolod City Vice Mayor

17

Gin-ako ni Bacolod Vice Mayor El Cid Familiaran nga may yara sang lapses sa barangay kasunod sang pagmuyayaw sini sa social media matapos nga indi na ma-contact ang 57 ka mga Person’s Under Monitoring (PUM) sa coronavirus.

Sa interview sang DYHB kay Vice Mayor Familiaran nga amo man ang chairman sang Inter-agency Task Force Against COVID-19 sa Bacolod, ginpahayag sini nga matapos ang iya Facebook post kun sa diin iya ginpaandaman ang mga PUMs, madamo ang nagpanawag sa iya nga nagahambal nga wala man sila ginakadtuan sang Barangay Health Emergency Response Team (BHERT) kag ini ang iya nakita nga kapaltahan sang barangay.


Suno kay Familiaran, bangud sang pagpatuman sang Enhanced Community Quarantine, posible may mga BHERT nga may iban pa nga katungdanan sa barangay kag nalimtan na ang pag-monitor sa mga PUM, kag ang iban naman nga PUM ang posible ara man lang sa ila balay.

Santo sa proseso, makabig nga natapos na sa quarantine period kag makakas na sa listahan ang isa ka PUM kun ini ang ginhatagan certification sang BHERT kun wala nagpakita sang sintomas sang COVID-19, kag ini ang nakapaidalom sa final consultation sa City Health Office (CHO).

Facebook Comments