Davao City – Gipusil-patay sa gituohang sakop sa New People’s Army ang usa ka newly elected Barangay Official niadtong adlawng May 30, 12:45 sa kadlawon natigayon sa Barangay Mahaba, Cabadbaran City Agusan del Norte.
Base sa impormasyon gikan kang Cpt. Al Anthony Pueblas, Spokesperson sa 402 nd Infantry Brigade ang biktima giila nga si Edgar Rosal Panisan, 40 anyos, 1st councilor sa Barangay Mahaba, Cabadbaran, active member sa CAFGU sa maong barangay.
Dugang ni Pueblas nahitabo ang pagpamusil sa biktima sa dihang gisaulog ang fiesta sa ilang barangay.
Nakahiagom og pinusilan sa dughan nga bahin si Panisan hinungdan sa iyang hinanaling nga kamatayon.
Usa sa mga witness ang mi kompirma nga ang suspek sa pagpamusil gituohang sakop sa NPA.
Samtang giingon ni BGen. Franco Nemesio M. Gacal AFP, Commander sa 402nd Brigade nga ang maong insidente usa ka plain murder ug atake batok sa katawhan sa Barangay Mahaba, Cabadbaran City.
RadyoMaN Abi Bibera
