Davao City – Subling nagpahinumdom si Calinan PNP station commander Police Chief Inspector Michael Uyanguren sa tanan barangay officials nga motabang sa kapolisan sa pag-identify sa mga bag-ong drug personalities sa ilang barangay diin ilang tuktokon ug hangyuon nga muondang na sila sa pagpayuhot og ginadiling droga.
Matud ni Uyanguren nga dako ang tabang sa mga opisyal ilabina sa pagpabalik sa kapulisan sa anti-drug operation ug pagbanhaw sa ‘Oplan Tokhang’.
Gipaabot ni Uyanguren sa tanan opisyal ilabina sa mga residenti sa 19 ka mga barangay sa Calinan District ning siyudad nga padayon nga makig alayon sa kapolisan pinaagi sa pagtunol og mga impormasyon ngadto sa mga nagtago-tago nga nagapayuhot og iligal nga droga.
Dugang ni Uyanguren nga padayon ang ‘Oplan Tokhang’ ug ‘Oplan Bulabog’ nga gipahigayon sa ilang area of responsibility diin kaniadtong milabayng semana kapin usa ka gatos ang gibulabog ug pito ka balay sa mga drug personalities ang gi-‘Tokhang’.
RadyoMaN Don Pulayao
