Barangay officials sa Davao Region gikasohan tungod sa SAP anomaly

41

Davao City – Mokabat sa 38 Barangay Officials, ang gikasohan sa Davao Region tungod sa alegasyong nalambigit sa anomaliya sa 1st tranche sa Social Amelioration Program (SAP).

Matud ni DILG XI Regional Director Alex Roldan sa interview sa DXDC RMN Davao mokabat sa 100 ka complaints, ang gisumite nila ngadto sa CIDG-XI.


“Ang sabot namo dawaton namo ang reklamo pero ang pag-file ug pag-build sa case ug sa evidences ang CIDG,” sumala ni Roldan.

Gibutyag ni P/Major Milgrace Driz, Deputy Head Criminal Investigation and Detection Group in Davao Region (CIDG-11), 12 sa 24 ka mga kasong ilang gihawiran ang naduso na ngadto sa Prosecutor’s Office ug kasamtangang gihulat nalang karon ang resolusyon niini.

Mga kasong paglapas sa Republic Act (RA) 3019 o Anti-Graft and Corrupt Practices Act; RA 11469 kun Bayanihan Act ug RA 11332 o Law on Reporting of Communicable Diseases batok sa 16 ka mga Barangay Captains, 3 Barangay Kagawads, 5 Barangay Secretaries, 5 Barangay Health Workers, 9 ka mga Purok Leaders, ang giduso batok sa mga akusado. Gikasohan usab ang usa ka Day Care Teacher ug 5 ka mga civilians.

Sumala ni Driz, sa syudad sa Davao, tulo (3) ang napasang-at nga kaso batok sa unom (6) ka mga individual, samtang usa usab ang naaresto ug 9 sa 24 gihawirang mga kaso sa CIDG-XI, ang wala maduso tungod sa mga balidong rason.




RadyoMaN Aimee Guinita

Facebook Comments