Barangay, paimbestigahan ang lumbaanay og inom nga gikamatay sa contestant

Davao City – Buot karon sa Barangay Mapawa, Maragusan, Davao de Oro nga maimbestigahan ang kalingawan sa Purok Dahlia 1 nga lumbaanay og inom nga miresulta sa pagkamatay sa usa sa contestants.

Sa post ni Brgy. Mapawa Kapitan Skye Abad, giklaro niini nga walay siyay gitugotan nga padula nga lumbaanay og inom sa ilang barangay ug bisan sa mga purok. Wala sab matud pa kini sa pananghid sa purok leader sa dihang kini mibisita sa iyang opisina.

Gikasubo sa kapitan tungod kay atol sa pa-contest, anaa ang presensya sa ubang public officials nga mga barangay kagawad kauban ang purok chairwoman, diin giingong didto gipalit ang ilimnon sa usa sa mga opisyales sa barangay nga anaa sab atol sa kalingawan.

Matud sa kapitan, wala siya katambong sa Araw sa Purok Dahlia tungod kay adunay kini gitambongang seminar. Apan, iyahang gikasubo ang kamatayon sa usa sa contestants.

Una nang giila sa Maragusan Municipal Police Station sa interview sa DXDC RMN Davao ang biktimang mipanaw nga si Arlon Tigoy, 52 anyos. Samtang ang usa ka biktima mao si Miguelito Viscaya nga anaa sa kritikal ang kondisyon.

“Wala po akong intention na sirain o masira ang brand ng (ilimnon). Paumanhin po. Also, we are always reminded with the advisory: DRINK MODERATELY. Unya kani gipadula pa. Makaguol. Ampo og amping sa kanunay tang tanan!” tipik sa statement sa kapitan.

RadyoMaN Kirby Manzon