Jamindan, Capiz- Ginpaidalom na sa Modified Enhanced Community Quarantine umpisa Setyembre 3(Huwebes) tubtob Setyembre 7(Lunes) ang Barangay Poblacion banwa sang Jamindan.
Ini matapos nga tatlo ka mga empleyado sang LGU- Jamindan ang nagpositibo sa COVID-19.
Ang Executive Order Number 29 ang pirmado ni Jamindan Mayor Mac Artur Valdemar.
Bangud sini, may yara sang ginpahamtang nga Quarantine Control Point sa Sitio Tuburan, Badiangan kag Sitio Palagtingan sa Jamindan.
Ang mga masunod ang dapat kag indi dapat himuon samtang naga-apekto ang MECQ:
1.Pwede kaagi ang mga APOR kag mga emergency purposes sa chekpoints.
2. Kun Taga Poblacion ka indi ka pwede ka guwa sa Brgy Poblacion.
3.Kun ara ka sa iban nga lugar kag gusto mo magkadto sa Poblacion indi pwede.
4. Exempted ang mga gadeliver sang essential goods.
5. Exempted ang gatrabaho sa bank,pawnshops kag sa mga baligyaan sang essential goods.
6. Kun taga iban nga lugar ukon Barangay ka kag ikaw ang halin sa Roxas or Iloilo pwede ka kaagi basta deretso sa inyo nga barangay.
7. Sa mga naga edad 21 panubo kag 60 pataas ginadilian ang pag guwa sa mga panimalay lakip man ang mga may ginabatyag nga indi manami sa lawas.
8. Magsuksok permi sang face mask kag mag obserbar sang social distancing.
9. Kutob sa mga indi gid sang kinahanglanon nga mga baligya ang hugot nga pagabawalan magbukas ukon magbaligya.
10. Padayon ang byahe sa iban nga mga Barangay except sa taga Poblacion. Padayon ang operation sang mga Jeep halin sa Jaena, Lucero kag Poblacion. Pwede nga mag-agi gid lamang ang jeep sa banwa apang indi magpick-up sang pasahero nga taga-Poblacion bangud pag abot sa Pangabuan i-check sa gihapon ang mga ini sang PNP.
11. Pwede man makasulod kag makaubra sa banwa ang mga nagaubra or baligya it/sa Banking, Food, Remittance centers, Pharmacy.
