Matagumpay na isinagawa ng Alaminos City Libraryang unang araw ng 1st Quarter Barangay Reading Center Monitoring, bilang bahagi ng patuloy nitong pagsisikap na tiyakin ang maayos na pagpapatupad ng mga programang pang-aklatan at ang tuloy-tuloy na pagbibigay ng dekalidad na serbisyong pagbabasa sa komunidad.
Sa unang araw ng monitoring, binisita ng pangkat ang mga Barangay Bued, Sabangan, Pandan, Telbang, Victoria, Poblacion, Palamis, Tanaytay, San Vicente Cabatuan, Balangobong, at Pocal-Pocal. Layunin ng pagbisita na suriin ang kalagayan ng mga barangay reading centers at matiyak na ang mga programa ng aklatan ay epektibong naipapatupad at napakikinabangan ng mga residente.
Ayon sa Alaminos City Library, mahalaga ang regular na monitoring upang mapanatili ang kalidad ng mga serbisyo at mas mapalakas ang kultura ng pagbabasa sa bawat barangay. Patuloy naman ang kanilang pangako na suportahan ang mga reading center bilang mahalagang bahagi ng edukasyon at kaalaman sa lungsod.
Sa pamamagitan ng ganitong mga inisyatibo, inaasahang mas mapapalawak pa ang akses ng mamamayan sa mga aklat at serbisyong pang-aklatan, lalo na sa antas ng barangay.
