Barangay sang Dayao sa Roxas City, ginpaidalom na sa EXTREME ENHANCED COMMUNITY QUARANTINE matapos nalista ang ikaduha nga positibo sa COVID-19 sa amo nga barangay!

278

Roxas City, Capiz- Ginpaidalom na sang city government sa EXTREME Enhanced Community Quarantine ang Brgy. Dayao matapos nga nalista ang ikaduha nga kaso sang nagpositibo sa COVID 19 halin sa amo nga barangay.
Ini ang nagakahulogan nga ang amo nga barangay ang ginakabig nga Red Zone sa diin hugot nga igaobserbar ang HOME QUARANTINE.
Ginakabig subong ang taga-Dayao bilang Persons Under Monitoring(PUMs).
Temporaryo man nga pagasaradohan ang mga natumod nga lugar, sitio okun compound kon sa diin naghalin ang isa ka COVID-19 positive nga nagapang-edaron sang 25-anyos.
Ini ang pagabantayan sang Barangay, PNP ukon Philippine Army.
Samtang ginpasiguro naman sang city government nga igahatag ang mga importante nga kinahanglanon sa lugar lakip na sang mga persona nga na-identify sa Contact Tracing sa Brgy. Dayao, Brgy. Libas kag Brgy. Barra.
Indi pwede makaguwa kag makasulod sa compound ukon sitio bisan may yara sang Quarantine Pass.
Ang transportasyon ang temporaryo man anay nga suspendido.

Facebook Comments