Davao City – Gipatala sa usa ka negosyante sa San Pedro PNP nga si Heidie Egica Tecson, 50 anyos, minyo ug residente sa may San Pedro Ext. Brgy. 6-A ning siyudad, tungod buot niya pasakahan og kasong estafa ang usa ka barangay secretary.
Buot niyang ireklamo si Henry Kim Padilla, hamtong ang pangedaron, acting barangay secretary sa Brgy. 38-D, kansang nagpabayad kaniya og kantidad P30,000 alang sa penalty saw ala pagbayad og saktong buwis kaniadtong bulan sa Oktubre sa milabay’ng tuig.
Sa pagsubay sa maong complainant ngadto sa Business Bureau sa Sangguninang Panglungsod, nakompirma niini nga walay naabot nga maong kantidad sa kwarta nga gibayad sa ilang ahensiya.
Daling gipatala kini ni Mrs. Tecson sa buhatan sa kapolisan sa San Pedro aron mamahimong basehan kun buot niya pasakahan og kasong estafa si Mr. Padilla.
RadyoMaN Paul Canono
