Davao City – Ipasaka karong adlawa ang kasong kalapasan sa Section 5, 11 ug 12, Article II sa R.A. 9165 kun Comprehensive Dangerous Drugs Act of 2002 batok sa usa ka barangay tanod sa Paquibato district ning syudad.
Sa report sa Philippine Drug Enforcement Agency 11 (PDEA-XI), sikop sa gilusad nga drug buy-bust operation si Erwin Lagunday Tecson alyas ‘Bolatoy’, 30 anyos, minyo, barangay tanod ug residente sa Prk. Caimito, Upper Mabuhay, Brgy. Mabuhay, Paquibato Dist., ning syudad sa Davao.
Atol sa operasyon sa PDEA-XI ug Paquibato PNP nahitabo sa Brgy. Mabuhay, narekober sa suspek ang napulo ka mga pakete sa gituohang shabu, buy-bust money, ug ubang drug paraphernalia diin mukantidad tanan sa kapin P10,000.
Temporaryong gikustodiya sa buhatan sa PDEA si Tecson samtang ginaproseo ang pagpasaka og kaso batok kaniya.
RadyoMaN Jason Amisola
