Nagpaabot pa karon nga mapasakaan ug kaso ang suspetsado nga si Rudley De
Leon sa nahimong pagpang dunggab sa iya mismong uyoan.
Human kini nasikop sa kapulisan sa lungsod sa Salug nga gilangkuban nila ni
SPO1 Harley June B Mejorada, SPO1 Oscias P Gomez, PO2 Jeromy T Tabacolde ug
PO2 Rusell L Evangelista niadtong adlawng Dominggo.
Kahinumduman nga mitaho ang sakop sa Barangay intelligent Network (BIN) sa
mga tinugyanan sa baload may kalabot sa maong panghitabo.
Subay sa nahipos nga report sa kapulisan, naila ang biktima nga si Michael
Lamoste y Hungoy, 28 anyos, barangay tanod sa may brgy. Lanawan sa maong
lungsod.
Sa pasi-unang imbistigasyon sa kapulisan, matod pa ang suspetsado nga si
Rudy nag away kini sila sa iyang asawa.
Tungod sa ilang away, ang biktima nga iyang uyoan misulay unta kini ug
tambag, apan ang suspetsado miduol na hinuon kini ngadto kang Michael ug
miluba gamit ang mahait nga kutsilyo.
Nakaangkon ug samad dinunggaban ang biktima sa iyang dughan, dali kining
gidala sa pinakaduol nga balay tambalan alang sa hinanaling medikasyon.
Malampuson usab nga nasikop ang suspek sa mga pulis ug anaa na karon
nagtingkagol sa Salug MPS alang sa pormal nga pagpasaka ug kaso.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
