President Roxas, Capiz- Patay ang isa ka barangay tanod matapos ginluthang sang suspek nga magpakaisa sa Purok Dos, Barangay Manoling President Roxas, Capiz alas 8 sang gab-i.
Ginkilala ang biktima kay Jerry Abendaño, 26-anyos, residente sang nasmabitan nga lugar kun sa diin nag-angkon sang solo kag patal nga pilas sa dughan kabangdanan sang gilayon sini nga kamatayon.
Gina-establisar pa kun sin o sa magpakaisa nga sanday Gabriel Batan y Villa kag Elohilo Batan ang nakaluthang sa biktima.
Ang mga ini ang subong padayon nga at-large kag ginapangita sang mga otoridad.
Suno sa hepe sang President Roxas PNP nga si Police Captain Hilbert Gervero, nagluntad ang insidente matapos ginsaway sang biktima ang mga suspek nga ginreklamo sang ila mga kaingod sa magahod nga pagkanta sa videoke.
