Barangay Tanod, gipusil patay

PAGADIAN CITY—PATAY DIHA DAYON ANG USA KA BARANGAY TANOD HUMAN KINING GIPUSIL SA RIDING IN TANDEM SAMTANG SAKAY SA IYANG SINGLE NGA MOTORSIKLO ALAS 6:30 SA BUNTAG SA NATIONAL HIGHWAY SAKOP SA BARANGAY BALINTAWAK NING SIYUDAD.
ANG BIKTIMA NAILHAN NGA SI JAYSON CAMILLO, 39 ANYOS , MINYO MOLUPYO SA MAONG LUGAR KINSA NAKAANGKON OG DAGHANG SAMAD PINUSILAN NGADTO SA IYANG KALAWASAN NGA MISANGKO NGADTO SA KAMATAYON SAMTANG ANG BIKTIMA GIKAN PA SA IYANG DUTY ISIP MAOY INCHARGE SA BUENAVISTA HIGHSCHOOL OG KINI GIPUSIL SAMTANG SAKAY SA IYANG SINGLE NGA MOTORSIKLO DIIN HUMAN KINING NAIGO SA BALA SA ARMAS, NAKAHIMO PA KINI SA PAGNAOG SA IYANG MOTORSIKLO OG MIDAGAN SUBAY SA DALAN APAN KINI GITIWASAN SA SUSPEK HUMAN GIBALIKAN HINUNGDAN SA IYANG KAMATAYON.
MATUD PA NI POLICE SUPT. BENITO RECOPUERTO, HEPE SA KAPULISAN SA DAKBAYAN NGA NAILHAN ANG SUSPEK NGA SI FREDO MAGSAYO KINSA MAOY MIPUSIL USAB NGADTO SA DUHA KA MGA MEKANIKO NGA SILANG RONALD GORDON UG RENBRANT BUALAN USA KA ADLAW LANG ANG NAKALABAY.
MIGAWAS NGA GUN FOR HIRE MATUD PA ANG SUSPEK HUMAN NGA ANG MGA BIKTIMA NGA SILANG GORDON UG CAMILLO MAOY TESTIGO MATUD PA SA USA KA PAGPANGRONDA NGA NAHITABO PIPILA KA BULAN NA ANG NAKALABAY DIIN ADUNAY NADAKPAN ANG CIDG NGA SI ROMEO GITIGAN. DIIN ANG MGA BIKTIMA SA PAGPAMUSIL MAOY GIBALIKAN HUMAN NGA NAHIMO SILANG INTRUMENTO NGA MADAKPAN ANG SUSPEK NGA SI GITIGAN NGA ANAA NA KARON NABALHOG SA BILANGGOAN.
USA KA HOT PURSUIT OPERATION NA ANG GIHIMO SA KAPULISAN SA DAKBAYAN SA PAGADIAN ALANG SA HINANALING PAGKASIKOP SA SUSPEK NGA SI MAGSAYO SAMTANG DAKO ANG PAGTOO SA KAPULISAN NGA MASULBAD NILA ANG KASONG SUNOD-SUNOD NGA PAGPAMUSIL HUMAN NGA ILANG NAKUHA NA ANG ANGGOLO SA KREMIN. (MEL CORONEL/DXPR NEWS TEAM)

Facebook Comments