Pagadian City – Gikasohan na ang usa ka Tanod sa Barangay Poloyagan ning syudad sa Pagadian human kining nakuhaan og armas sa tropa sa Provincial Mobile Force Company- Zamboanga del Sur Police Provincial Office niadtong nakalabay nga kadlawon.
Kalapasan sa Republic Act 10591 kunComprehensive Law on Firearms and Ammunitions ug Comelec Gun Ban ang gisang-at nga reklamo sa kapulisan batok sa suspek nga si Victoriano Bacus Tausa Jr., 27 -anyos, Barangay Tanod of Poloyagan, and a resident of Purok Simple, Barangay Poloyagan, Pagadian City.
Sa impormasyon nasayran nga samtang nalusad sa pagpatrolya ang pwersa sa kapulisan diha sa bisinidad sa Barangay Poloyagan nakadawat sila og taho nga may grupo sa kalalakin-an nga nagtapok Barangay Hall sa Poloyagan.
Atol sa pagresponde nakita sa otoridad ang grupo sa Tanod nga pas-pas nga nadagan paingon sa sulod nga bahin sa Barangay Hall.
Si Police Major SG Rasid Barahim ug Police Staff SG Abdul Gampal maoy nakagunit sa bukton sa suspek og nakuha sa posisyon niini ang armas nga walay dokumento nga usa ka unit 38 caliber nga may unom ka buhing bala.
Ang dinakpan sa tanod gikustodiya na sa Pagadian City Police Station.
