Pagadian City – Kasamtangan nga gikostudiya sa Pagadian City Police Station ang 33-anyos nga Barangay Tanod human kining nakuhaan og armas alas 11:55 kaganihang buntag sa Entrance Guard Post, Barangay Dao ning syudad sa Pagadian.
Sa inisyal nga imbestigasyon nasayran nga nalusad og pa-inspection ang tropa sa kapulisan sa lugar isip kabahin sa seguridad sa nagpadayon nga kalihukan sa pagselebrar sa Araw ng Zamboanga del Sur nasita niini ang usa ka Bao-Bao color pula diin sakay ang Tanod sa Tiguma nga si Dennis Cabayaran.
Nakuha sa posisyon sa maong Tanod ang usa ka unit sa 12 Gauge Shotgun nga dunay usa ka magazine nga gipaslakan sa unom ka buhing bala.
Dihang gipangutan nila ni Patrolman Jerez Jhon Ompoc Anguit ug Pat Carlo Rivera Bonocan kun duna bay tukmang dokumento ang maong armas pakyas kini sa pagpresenta.
Paglapas sa Republic Act 10591 kun illegal possession of firearms ang giatubang sa nadakpang Barangay Tanod.
