Zamboanga City- Ya prinsipia ya man overflow el agua na flood control na barangay Tugbungan particular na Barigon caosa del sin descanso aguasero.
Asegun con el barangay Capitan del Tugbungan Agustin “Jun” Graciano, ya man ya travesa el agua na flood control na lao iskierda porcaosa bajo y chene ya man collapse.
Ya habla si Graciano, ta espera ya lang sila el mobimiento del govierno local para compone con el mencionao proyekto. na unlao del rio donde alto el flood contro nuay afecta el maga lugar como el sitio dakak que antes amo el pirmi sumido.
Compormesta el maga residentes na Barigon ya principia ya ase sale diila maga galamiton inclujido ya diila maga animal pero nuay pa evacua, pero ya habla si Graciano ya dale ya ele daan aviso con el principal del escuela para usa como evacuation center encaso nesesita ya manda evacua.
Mientrastanto, el antes capitan del Tugbungan y antes consejal del ciudad Eddie Saavedra ya habla cay anad ya el maga residentes na tugbunagn cadabes chene avenida cay desde antes diila barangay pirmi ta sumi cadabes chene fuerte aguasero pero ele ta apela con maga residentes nomas ya espera ay queda pa grande el agua na rio. Hermie Ventura-RMN zamboanga
