Davao City – Gitino karon sa Commission on Election (COMELEC) nga manual ug dili automated ang pinili-ay sa Barangay ug sa Sangguniang Kabataan (SK) – kun dili kini mahukman sa Kongreso nga ma-reset kun ma-postpone.
Sa usa ka media interview, gitino ni COMELEC chairman Andres Bautista nga sukwahi sa nilabay’ng eleksyon, ang grassroots election gimando nga manual diin aduna kiniy mga bakanteng porsyon sa balota diin didto nato isulat ang buot natong pili-on sa pagka-Punong Barangay, Kagawad ingon man SK Representatives sa konseho sa barangay, ang pinaka-gamay nga ‘political unit’ sa atong panggobyerno.
Sa Calendar of Activities sa October 23, 2017 barangay election, nagsugod na ang pag-imprinta sa mga balota niadto pang July 24, 2017.
Dugang ni Bautista, bugtong hangyo lamang nila sa mga tigpanday sa balaud nga unta tunolan lamang sila ug gintang nga panahon haron mahikutar ug ma-handle ang nasangpit nga ehersisyo-pulitikal ingon man ang 2019 senatorial elections.
Nasayran nga laraw sa mga congressman nga idungan ang barangay polls uban sa posibleng referendum alang sa Bangsamoro Basic Law kun BBL.
Kasamang June Duterte
