Roxas City, Capiz- Dululongan nga igalunsyar bwas nga adlaw sa mga merkado sa kabanwahanan kag syudad sa probinsya sang Capiz ang “Tulong sa Bayan” nga programa sang gobyerno.
Ang nasambit nga programa ang pagapangunahan sang National Food Authority kaupod ang Grains Retailers Confederation of the Philippines (GRECON), Philppine Confederation of Grains Association (PhilConGrains) kag Office of the President.
Diri sa Syudad sang Roxas, igalunsyar ang amo nga programa sa Teodoro Arcenas Trade Center las 9 sa aga.
Ginpahayag ni Capiz NFA Officer-In-Charge Jose Pacificador nga tinutuyo sang amo nga programa nga magabaliya sang bugas pinaagi sa NFA Service Outlet sa tag P38.00 tagsa ka kilo, sa diin pagabaligyaan sang 3 ka kilo ang tagsa ka konsumidor kada adlaw.
Suno pa kay Pacificador nga ini isa man ka pamaagi agud masabat ang kinahanglanon nga barato kag dekalidad nga bugas sang mga pumoluyo tubtob mag-abot ang kapin 250,000 tonelada nga imported nga bugas. // by: Jemin B. Guillermo (PIA/Capiz)
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
