Baratuhon o substandard nga mga appliances likayan

20

Davao City – Una mopalit og mga appliances angay nga susihon sa mga konsumante kung aduna kiniy tatak ICC kun Import Commodity Clearance ug Philippine Standard o PS.

Kini maoy pahimangno ni Department of Trade in Industry XI Regional Director Ma. Belenda Ambi atol sa interbyu sa DXDC Davao.

Sumala ni Ambi kini aron masegurong dili mga substandard ang mga de kuryenteng kagamitan sama sa mga ceiling fans, tv, plantsa ug uban pa nga mamahimong hinungdan sa sunog.

Gipakusgan karon sa DTI ang pagmonitor sa mga electrical items nga gipang-display sa mga tindahan dinhi sa rehiyon onse.

Aduna usab surpresang inspeksyon ang buhatan ug ilang pagkumpiskahon ang mga masuta nga mga ubos sa standard sa DTI.

Tambag usab ni Ambi nga aron dili mabiktima sa sunog dili pasagdan o pasobraan og pahimulos ang mga kagamitan aron dili kini mag-overheat.

RadyoMaN Aimee Guinita

Facebook Comments