Sa interbyu sa DXDC RMN Davao kang Police Lieutenant Colonel Jay Dema-ala, Acting Chief of Police (COP) sa Tagum City Police Station, giila niini ang suspek nga si alyas Yo, 20 anyos, usa ka barbero ug residente sa Purok 4 Bliss, Barangay San Miguel, Tagum City.
“Na-buy-bust ng madaling araw ‘yung isang drug personality sa Tagum. Marijuana ang nakuha sa kanya during sa buy-bust operation,” matud ni Dema-ala.
Nakuha sa posisyon sa suspek ang usa ka pakete sa pinaugang dahon sa marijuana nga anaa sa P800 ang kantidad matud sa Dangerous Drugs Board (DDB), ug nakuha usab kaniya ang uban pang drug paraphernalia.
Nagpasalamat ang kapulisan sa kooperasyon sa publiko sa pag-report sa mga indibidwal nga nalambigit sa iligal nga aktibidad sa komunidad labi na sa iligal nga droga.
RadyoMaN Kirby Manzon
