Davao City – Arestado ang tulo ka mga lalaki atol sa buybust operation sa mga awtoridad alas-12:30 sa kaadlawon adlawng Martes didto sa Purok Bilawan-3, Brgy. Central, Mati City, Davao Oriental.
Ang mga suspek mao sila Clepord Terona Alyas “Tata”, 31 anyos, residente sa Purok Bilawan-3, Brgy. Central, Mati City, Alfredo Gubalane, 26 anyos, taga-San Roque, Brgy. Poblacion, Lupon Davao Oriental, Michael Angelou Son Rocamora, 31 anyos, residente sa Chan Village, Brgy. Central, Mati City; ug estudyanteng si Francis Jimmy Arquillano, 19 anyos.
Nakuhaan sa mga operatiba ang mga suspek og shabu, marijuana, drug paraphernalias ug .22 kalibre nga revolver nga adunay sulod nga 6 ka bala.
Kasong may paglapas sa RA 9165, COMELEC Gun Ban ug RA 10591 ang gipasang-at sa mga suspek.
Gimando ni Police Regional Office XI Regional Director PCSupt. Marcelo Morales ngadto sa mga kapulisan nga labing pakusgan pa ang kampanya aron sa hingpit mabatukan ang problema sa illegal nga droga dinhi sa Davao Region.
RadyoMan Aimee Guinita
