JUST IN! Kadagkuan sa Phil. Coastguard SDN mipahigayon sa pag-rescue sa M/V Yohan Cruiser na nosadsad sa may Brgy. Bitaugan, Surigao City ganina alas 11:25 sa buntag. Noggikan ini alas 10:00 sa buntag diri sa Surigao City ug pasingod unta sa Dapa,SDN. Sa EXCLUSIBO na pag-iban sa pagrescue ni Radyoman Jerson Fuentes. Tagtudlo na an 13 ka mga pasahero an tagsakay sa M/V Fortune Angel pasingod na sa Dapa samtang an laing isa ka pasahero na si Rosa Maria Caitom, 60 anyos an tagtakda dad-on sa Caraga Regional Hospital gumikan sa minor injury na naangkon. Sa inisyal na impormasyon na nakuha sa RMN DXRS, an kusog na suyog an tagtudlo na rason sa panghitabo. An moggujod sa M/V Yohan an tagpaabot pa na mahidangat didto sa lugar na tagkahitabuan. > > > > > >
