BARKO NGA MAGABIYAHE POOK-BORACAY GING PRESENTAR SA SP

Kalibo, Aklan – Sa ging patigayon nga committee hearing it Aklan Sangguniang Panlalawigan committee
of the whole, ging presentar it Mabuhay Maritime Express Transport ro andang barko nga magabiyahe
Pook Jetty Port, Kalibo paagto it Cagban Jetty Port, Manoc-manoc, Boracay Island, Malay, Aklan.
Suno kay Sherwyn Tan, manager for special project it Mabuhay Maritime Express Transport, 2 ka barko
nanda ro magabiyahe sa nasambit nga ruta kon siin rayang barko hay state of the art nga ging paobra pa
nanda sa shipyard nga nakabase sa Singapore.
Dugang na nga ging pahayag nga rong barko hay 42 mitros ro kahabaon ag 12 mitros ro kaeaparon may
kadasigon nga 30 knots ag kayang kumarga it 410 nga pasahero.
Suno mat-a kay Atty. Deogracias Grephil ii, legal counsel it MMET nga hataw-an eon sanda it safety
certificate ag certificate of public convenience ko MARINA ag Philippine Coast Guard.
P1,500, P2,000 ag P2,300 mat-a ro maging pamasahe para sa main deck o regular class, upper deck o
premium class ag 1st class cabin.
Magaumpisa it biyahe ro barko pagkatapos it construction ko Pook Jetty Port ag Terninal building sa
Cagban jetty port…

Facebook Comments